Beint á leiđarkerfi vefsins

Fréttir

1. september 2009

Haustferđ öldungadeildar í Húnaţing

Starfsemi öldungadeildar Lögfræðingafélagsins hefst með rólegri haustferð í Húnaþing. Þema ferðarinnar verða morðin á Illugastöðum á Vatnsnesi 1828 og síðasta aftakan á Íslandi 1830. 

 Lagt verður upp frá Álftamýri 9 fimmtudaginn 17. september kl. 11:00 og ekið sem leið liggur að Hvammstanga. Þar verður Verslunarminjasafnið skoðað en að því loknu drukkið kaffi hjá húsmæðrunum á Vatnsnesi, í Hamarsbúð. Síðan verður farið á söguslóðir þar sem hinir dramatísku atburðir gerðust 1828 er Agnes og Friðrik drápu Natan Ketilsson og Pétur Jónsson. Einnig verða sagðar sögur úr sveitinni, m.a. af hvalrekanum á Ánastöðum 1882, komið við á Tjörn og horft til Hindisvíkur. Gist verður á Gauksmýri en á föstudeginum verður farið að Þrístöpum og Þingeyrum þar sem kirkjan verður skoðuð. Í lokin verður Vatnsdalshringurinn ekinn og svo haldið heim. Reiknað er með heimkomu kl. 16 á föstudaginn 18. september.

Fararstjórar verða Eyrún Ingadóttir, sagnfræðingur og frkvstj. Lögfræðingafélags Íslands og Hrafn Bragason, formaður öldungadeildar.  

Verð m.v. tveggja manna herbergi:  kr. 29.500,- en eins manns herbergi kr. 32.500,-

Verð m.v. tveggja manna herbergi (án baðs) kr. 27.000,- en eins manns herbergi (án baðs) kr. 30.000,-

Innifalið er rúta, kaffi, kvöldverður, gisting, morgunverður og nesti á laugardeginum.  

Skráning hér  eða í síma 568 0887 milli kl. 13-15 virka daga.  Vinsamlegast skráið ykkur fyrir fimmtudaginn 10. september og greiðið þátttökukostnað í síðasta lagi mánudaginn 14. september. Reikningsnúmer: 0311-26-178. kt. 450269-1589.   


Auglýsingar


Ţú ert hér:

Um félagiđ » Fréttir

Stjórnborđ

Information in english Veftré Fyrirspurnir

Stjórnborđ

Stórt letur Lítiđ letur