Beint á leiđarkerfi vefsins

Fréttir

4. nóvember 2015

Flóttamenn í Evrópu og Schengen

Lögfræðingafélag Íslands efnir til hádegisverðarfundar þriðjudaginn 10. nóvember 2015 kl. 12:00-13:00 í Nauthól, Nauthólsvegi 106, 101 Reykjavík.



Hinn mikli fjöldi flóttamanna sem komið hefur til Evrópu á síðustu árum og mánuðum hefur haft áhrif á samvinnu og samskipti Evrópuþjóða sem og á Schengen samstarfið. Á fundinum verður fjallað um það hvers vegna fjöldi flóttamanna í heiminum hefur aldrei verið meiri, um ástæður þess að flóttamenn leita nú í auknu mæli til Evrópu, hvaða umræður og viðbrögð hafa verið innan Evrópu og hvernig samvinnu og samskiptum Evrópuríkja hefur verið háttað. Þá verður einnig fjallað um stöðu flóttamanna og hælisleitenda hér á landi, áhrif aukins fjölda flóttafólks á íslenskt kerfi og hvað framtíðin ber í skauti sér.


 
Framsögumaður verður Erna Kristín Blöndal, lögfræðingur hjá innanríkisráðuneytinu, doktorsnemi í lögfræði og þátttakandi í víðtæku evrópsku rannsóknarsamstarfi um málefni flóttafólks og útlendinga. Hún hefur nýlega heimsótt flóttamannabúðir í Tyrklandi og Líbanon ásamt þingmönnunum Óttarri Proppé og Unni Brá Konráðsdóttur. Að lokinni framsögu mun Atli Viðar Thorstensen, sviðsstjóri hjálpar- og mannúðarsviðs Rauða krossins, segja í stuttu máli frá þeim verkefnum sem hjálparstofnanir standa frammi fyrir í kjölfar átakanna í Sýrlandi.


Fundarstjóri verður Kolbrún Sævarsdóttir héraðsdómari og stjórnarmaður í Lögfræðingafélagi Íslands.

Aðgangseyrir (hádegisverður) er kr. 3.200,- fyrir félaga í LÍ en kr. 4.000,- fyrir aðra

Vinsamlegast tilkynnið þátttöku fyrir kl. 12:00 mánudaginn  9. nóv. Einnig er hægt að skrá sig í síma  568 0887 (símsvari).

Skráning hér


Auglýsingar


Ţú ert hér:

Um félagiđ » Fréttir

Stjórnborđ

Information in english Veftré Fyrirspurnir

Stjórnborđ

Stórt letur Lítiđ letur